Parlamento di Kòrsou - Inisio

Bon Biní

Un kordial bonbiní i danki pa bo(so) bishita virtual na Parlamento di Kòrsou.

Mediante di e wèpsait aki nos Pueblo di Kòrsou i un i tur lo haña akseso na informashon di Parlamento. E wèpsait aki ta duna bo(so) e oportunidat pa tuma nota kon Parlamento di Kòrsou ta funshoná i kua ta e aktividatnan parlamentario ku ta tuma lugá.

Parlamento di Kòrsou ta representá henter Pueblo di Kòrsou. Parlamento ta e órgano mas haltu den nos sistema polítiko i e ta konsistí di 21 miembro skohé den elekshon liber i demokrátiko. Pues, Parlamento ta Pueblo su kas kaminda Pueblo por komuniká den tur libertat ku su 21 representantenan i huntu ehersé e influensha nesesario riba maneho i aktuashon di Gobièrnu di Kòrsou. Parlamentarionan tei pa sirbi, esta skucha i kumpli ku nesesidatnan di Pueblo p'asina duna di nan parti pa realisá un mihó kalidat di bida pa tur siudadano di Kòrsou.

Ta p'esei ta masha importante pa bo(so) sigui e trabounan parlamentario di serka i duna bo(so) opinion riba tur asuntu ku Parlamento ta atendé. Si bo(so) tin pregunta òf sugerensia òf simplemente ke tuma kontakto ku Parlamento di Kòrsou bo(so) por hasi esei, pa medio di e boton "Kontakto" na e bara mas ariba. Nos tei pa sirbi!