Home

Sra. Charetti America-Francisca
Sra. Charetti America-Francisca
Presidente del Parlamento de Curaçao
President of The Parliament of Curaçao
Voorzitter van de Staten van Curaçao

Un kordial bonbiní i danki pa bo bishita virtual na Parlamento di Kòrsou.

Mediante e wèpsait aki nos Pueblo di Kòrsou i tur otro hende tin akseso na informashon di Parlamento. E wèpsait ta duna bo e oportunidat pa tuma nota kon Parlamento di Kòrsou ta funshoná i kua ta e aktividatnan parlamentario ku ta tuma lugá.

Parlamento di Kòrsou ta representá henter Pueblo di Kòrsou. Parlamento ta e órgano mas haltu den nos sistema polítiko i ta konsistí di 21 miembro skohé den elekshon liber i demokrátiko. Pues, Parlamento ta Pueblo su kas kaminda siudadanonan por komuniká den tur libertat ku su 21 representantenan i huntu ehersé e influensha nesesario riba maneho i akshon di Gobièrnu di Kòrsou. Parlamentarionan tei pa sirbi, esta skucha i kumpli ku nesesidatnan di Pueblo p'asina kontribuí na realisashon di  un mihó kalidat di bida pa tur siudadano di Kòrsou.

Ta p'esei ta masha importante pa bo sigui e trabounan parlamentario djaserka i duna bo opinion riba tur asuntu ku Parlamento ta atendé. Si bo tin pregunta òf sugerensia òf simplemente ke tuma kontakto ku Parlamento di Kòrsou bo por hasi esei, pa medio di e boton "Kontakto" na e bara mas ariba. Nos tei pa sirbi!

@CharettiAmerica

Notisia

  • Anunsio

    Parlamento di Kòrsou tin e tristu deber di anunsiá fayesimentu di èks Presidente i aktual miembro di Parlamento sr. AMERIGO C.M. THODE.

  • Di tres dia di reunion Interparlamentario di Reino, IPKO.

    Djaweps 2 di mart 2023, miembronan di e delegashonnan a kuminsá e di tres dia di IPKO, ku deliberashonnan relashoná ku e tema pasado di esklabitut i kolonialismo i nan efektonan den komunidat.

  • Kontinuashon di reunion IPKO 2023 na Kòrsou.

    Djarasón 1 di mart 2023 a kontinuá ku e di 2 dia di e reunion Interparlamentario di Reino, IPKO, ku a tuma lugá na Dreams Resort, Spa & Casino.