Komishonnan

Parlamento di Kòrsou

logo
Zoeken
U bent hier: Home / Reunionnan / Komishonnan

Komishonnan

Komishonnan Fiho (òf Permanente). Parlamento por instalá un komishon fiho pa kada un Ministerio di Gobièrnu. Banda di esakinan tin un Komishon pa Asuntunan Doméstiko, un Komishon pa Asuntunan di Reino i Relashonnan Interparlamentario i un Komishon di Prosedimentu di Parlamento. E komishonnan fiho ta hasi tur trabou preparatorio i ta raportá/duna konseho na Komishon Sentral di Parlamento;

Komishonnan temporal. Parlamento por instalá un komishon temporal pa un tópiko spesífiko, mará na un periodo determiná aselantá;

Komishon Sentral ku normalmente ta habrí pa públiko. Parlamento por disidí na tene esaki ku porta será. Komishon Sentral na su turno ta hasi trabounan preparatorio pa asina konsehá i raportá direktamente na Reunion Públiko di Parlamento. Un trabou hopi importante di Komishon Sentral ta esun di publiká relato di proyektonan di Lei p’asina e Lei por pasa pa tratamentu den Reunion Públiko. Den kaso di un proyekto di Lei, Komishon Sentral ta publiká un relato pa medio di Gobernadó dirigí na Gobièrnu di Kòrsou. Komishon Sentral tambe por tuma desishonnan riba entre otro riba biahenan di trabou;

Reunion Públiko (òf Plenario) ku ta habrí pa públiko. Den e reunionnan aki ta tumá desishon, por ehèmpel aprobá Leinan pa Pais i tambe trata otro konseho i relatonan di Komishon Sentral.

Reunion Digital

Download RaadDigitaal

Archivo

Archivo di Webcast