Djabièrnè 17 di yüni 2016 un delegashon di hóbennan atleta huntu ku nan mayornan i entrenadornan di Fundashon ANIMO a hasi un bishita na Parlamento di Kòrsou. E bishita tabata den kuadro di e partisipashon eksitoso di e grupo di atletanan aki durante e torneo Open National Invitational Championships Arstistic Gymnastics of Trinidad and Tobago riba 11 di yuni 2016. Komo muestra di apresio pa nan logro den e disiplina di deporte aki Presidente di Parlamento Mike Franco a entrega un plaka di mérito na señora Esther van Gulik di Fundashon Animo.