Deklarashon di intenshon

Djarason 17 di ougùstùs último, Grefir di Parlamento, señor Silvin Cijntje, i direktora di Biblioteka Nashonal Kòrsou Frank Martinus Arion (BNK), señora Gerda Willems, a bini huntu pa firma un akuerdo di intenshon pa yega na un infrastruktura den forma di un eksposishon permanente di Parlamento den Biblioteka Nashonal Kòrsou. Meta mutuo di kolaborashon entre Parlamento i Biblioteka Nashonal Kòrsou riba tèrmino largu ta pa krea un plataforma sentral den e biblioteka, kaminda informashon di Parlamento ta aksesibel pa pueblo di Kòrsou en general, i enrikesé e konosementu dje públiko ku ta bishitá Biblioteka Nashonal Kòrsou su konosementu tokante funshonamentu di Parlamento, e órgano di estado mas haltu di Kòrsou.