Djaluna dia 14 di mart 2016 Minister di Desaroyo Ekonómiko sr. Eugene Rhuggenaath na nòmber di Gobièrnu di Kòrsou, huntu ku representantenan di Plataforma Diálogo Nashonal Kòrsou ta Avansá (Gobièrnu/KvK/VBC/SSK i CGTC) i UNDP, a entregá e Plan Nashonal di Desaroyo (National Development Plan) 2015 -2030 na Presidente di Parlamento di Kòrsou sr. Marcolino Franco. E plan nashonal su meta prinsipal ta pa trese un kuadro general, kaminda ta yega na akshonnan konkreto, ku por ehekutá den un término kòrtiku, medio i largu pa yuda desaroyo di progreso di Kòrsou di un forma duradero.