Durante e reunion di Komishon Sentral riba djarason 8 di febrüari 2017 un mayoria a bai di akuerdo ku e dekreto di instalashon “Komishon Temporal Smart Zoning”. E komishon temporal aki ta bai supervisá i kordiná e trabounan ku tin di realisá pa yega na un plan di zonfikashon nobo pa Kòrsou. Formalisashon di e dekreto pa instalá e “Komishon Temporal Smart Zoning” lo tuma lugá durante un reunion públiko di Parlamento.