Konsientisashon dia AIDS/HIV

Parlamento di Kòrsou

logo
Zoeken

Konsientisashon dia AIDS/HIV

Sinta korá pa Miembronan di Parlamento ...

Famia Planiá Kòrsou a duna Miembronan di Parlamento sinta korá relashoná ku dia Mundial di konsientisashon di AIDS/HIV

Dia 1 di desèmber ta dia Mundial di Konsientisashon di e malesa AIDS/HIV i den kuadro di e dia speshal aki e direktor di e organisashon Famia Planiá Kòrsou señora Daisy Frans Scoop i miembro di direktiva di e organisashon Marisela Flemming, Saran Inderson, sra. Renske Pin i Sunevi Valpoort kual ta un hóben kolaboradora di e ofisina di Famia Planiá a hasi un bishita di kortesia kaminda den un ambiente ameno a enterkambiá ku e miembronan di Parlamento presente di e desaroyonan di kombatimentu di e malesanan AIDS/HIV den nos komunidat.

Presidente di Parlamento di Kòrsou sr. William Millerson i e lidernan di frakshon presente tur a hiba palabra i a enfatisá e importansia di kombatí ignoransia di e peligernan ku un hende ta kore pa ser kontaminá ku e malesanan aki. Despues simbólikamente direktor i miembronam di Famia Planiá Kòrsou a pega e símbolo di unidat i empatia di lucha kontra AIDS/HIV na bachi i paña di tur hende presente komo gesto di ta uní pa eradiká AIDS/HIV for di den nos komunidat.

Reunion Digital

Download RaadDigitaal

Archivo

Archivo di Webcast