Lei di inisiativa pa bienester di animal entregá na Parlamento

Parlamento di Kòrsou

logo
Zoeken

Lei di inisiativa pa bienester di animal entregá na Parlamento

Djarason 4 di òktober 2017, ...

Djarason 4 di òktober 2017, Parlamentario Gisélle Mc William,  hasiendo uso di su derecho di lei di inisiativa, a presentá un proyekto di lei na Parlamento enkuanto bienestar di animal.

Animalnan ta hunga un rol importante den komunidat. Henter mundu tin o sea direktamente òf indirektamente di haber ku animal. Bienestar di animal ta importante pa tur esunnan ku ta stima animal i ku tin animal na kas. Pa e grupo ku no tin animal na kas y pa sosiedat den su totalidat, animalnan, aunke kisas ménos importante, tambe ta importante.

E motibu ku a bin ku e lei aki ta pa atribuí na e balor intrínsiko di animalnan na Kòrsou i asina rekonosé e outoestima di kada animal, komo un ser bibu ku nesesidat pa kuido. Esaki lo duna un balor propio na animalnan, sin ku esaki ta dependé di e huisio di balor di e ser humano. For di e pensamentu aki e ser humano no tin derecho di violá ni e forma ni e espasio di bida di animalnan i tampoko pa ekstinguí e diferente sorto di animalnan.

Alabes tin vários motibunan pa introdusí un lei ku ta protehá animalnan. E proyekto di lei aki ta menshoná algun:
-motibunan ekonómiko;
-seguridat den tráfiko;
-pa kontrarestá krímennan violento den promé etapa. Investigashonnan a indiká ku ta eksistí un konekshon indiskutibel entre delitonan di violensia, manera violensia doméstiko di un parti i di otro parti abuso i negligensia di animalnan.

Reunion Digital

Download RaadDigitaal

Archivo

Archivo di Webcast