Lei protekshon eks studiantenan

Parlamento di Kòrsou

logo
Zoeken

Lei protekshon eks studiantenan

Djárason 9 di mei 2017 frakshon di PAR den Parlamento ...

Djárason 9 di mei 2017 frakshon di PAR den Parlamento a hasi entrega di e inisiativa di lei asina yamá “Deurwaardersverordening” na Parlamento. Despues di un trayekto largu di preparashon ta asina leu ku e konsepto di lei aki por kuminsá kana e kaminda formal. E proyekto di lei aki lo mester duna seguridat i protekshon na prinsipalmente èks studiantenan ku mester paga debe di estudio bèk pa medio di un deurwaarder. Eksperensia a mustra ku tin èks studiantenan ku a haña nan mes ta paga gastunan eksorbitante na deurwaarder sin por hasi nada kontra esaki, pa e echo ku na e momentunan aki no tin un lei ku ta regla asuntunan di deurwaarder ni tampoko un órgano ku por kontrolá nan trabou.
Entrega di e inisiativa di lei aki ta nifiká ku a kuminsá dal paso konkreto pa pone un paro na esakinan i regla e asuntunan ku ta regardá deurwaarder.

Reunion Digital

Download RaadDigitaal

Archivo

Archivo di Webcast