Parlamento ta aprobá 4 lei i 1 moshon.

Parlamento di Kòrsou

logo
Zoeken

Parlamento ta aprobá 4 lei i 1 moshon.

E siman di reunion di 20 te ku 24 di yüni 2016 Parlamento di Kòrsou aprobá en total kuater konsepto di lei i un moshon ...

  • Riba djaluna 20 di yüni 2016 Parlamento a aprobá e konsepto di Lei di Enseñansa liber ku voto general.
  • Riba djamars 21 di yüni 2016 Parlamento a aprobá entre otro e di dos Presupuesto Supletorio di 2015. E presupuesto supletorio a keda aprobá ku 11 voto pro i 5 voto kontra.
  • Tambe riba djamars 21 di yüni 2016 Parlamento a aprobá e konsepto di lei enkuanto introdukshon di sparmentu pa penshun, reparashon i modernisashon di e ordenansanan di impuesto. 12 miembro di Parlamento a vota pro e lei aki i 2 miembro a vota kontra di e lei.
  • Riba djarason 22 di yüni 2016 un mayoria den Parlamento a aprobá e kambio di lei di penshun ku ta trese kambionan pa penshonadonan ku ta biba den eksterior. E grupo aki lo kuminsá kobra 10% ménos na AOV despues ku e lei aki drenta na vigor. E lei di kambio aki a pasa ku 11 voto na fabor i 4 voto kontra.
  • Den e siman aki tambe Parlamento a pasa un moshon pa instruí gobièrnu di Kòrsou pa den kordinashon ku gobièrnunan di Aruba i Sint Maarten entrega e konsepto di Lei di Reino enkuanto disputa (ontwerprijkswet Geschillenregeling) na Parlamento Hulandes.

Reunion Digital

Download RaadDigitaal

Archivo

Archivo di Webcast