Studiantenan di Mannheim ta bishita Parlamento

Parlamento di Kòrsou

logo
Zoeken

Studiantenan di Mannheim ta bishita Parlamento

Djabièrnè 21 di aprel 2017 un delegashon di studiantenan ...

Djabièrnè 21 di aprel 2017 un delegashon di studiantenan di e Universidat di Mannheim (Alemania)  a bishita Parlamento di Kòrsou.  E studiantenan, ku  ta sigui un kuríkulo di Papiamentu na e universidat  ariba menshoná, a bishita Kòrsou huntu ku un representante di e universidat.  E grupo a bishita Kòrsou pa siña mas di e idioma Papiamentu i su aspektonan kultural.

Durante e enkuentro informal e grupo den presensia di Presidente di Parlamento señor Thode, Minister di Enseñansa, Kultura, Siensia i Deporte señora Esprit-Maduro, diferente Parlamentarionan i kolaboradornan di Grefi i di e Ministerio, a papia riba e balor di Papiamentu. E grupo for di Mannheim a trese pa dilanti ku Papiamentu ta un idioma pionero den e lenganan krioyo rònt mundu. Esaki pa motibu ku Papiamentu a sigui progresá durante di siglonan. Komo ehèmpel a menshoná  e echo ku Kòrsou tin un Fundashon Planifikashon di Idioma i ku a skohe pa standardisá e idioma.  E grupo a indiká ku Papiamentu ta algu hopi balioso i ku nan ta spera ku ta keda duna atenshon i dedikashon na progreso di e idioma aki. Di parti di e representante di e universidat a sali e inisiativa pa por traha riba un interkambio di studiantenan di “University of Curaçao” (UoC) i e Universidat di Mannheim. Tambe tabatin otro proposishonnan pa duna e tipo di interkambionan sosial/kultural aki un base struktural, inkluso e desaroyo turístiko. Parlamento lo atendé pronto ku e proposishonnan aki den un reunion di Komishon Sentral.

Reunion Digital

Download RaadDigitaal

Archivo

Archivo di Webcast