Den e siman di 2 pa 10 di aprel 2016 e Komishon Fiho di Tráfiko, Transporte i Planifikashon Urbano di Parlamento a realisá un bishita na e bolsa internashonal di inovashon di e sektor di tráfiko i transporte. E bolsa aki a tuma lugá na RAI Amsterdam. E bishita na Intertraffic tabata den kuadro di desaroyonan i inovashonnan den e sektor di tráfiko i transporte na Kòrsou. Banda di esaki e delegashon tabatin enkuentronan informativo ku diferente organisashon i instituto priva i públiko na Hulanda.