Parlamento ta duna homenahe na Sir Hensley Meulens den kuadro di promé lustro di Curaçao Baseball Week
Djabièrnè 8 di desèmber den sala di eksposishon di nos Biblioteka Nashonal Frank Martinus Arion, Presidente di Parlamento sr. William Millerson huntu ku miembronan di Parlamento i algun invitado a reuní ku Gerensia di BNK pa duna un homenahe na Sir Hensley Muelens pa e echo ku e aña aki Curaçao Baseball Week a kumpli su promé lustro. Den su diskurso sr. Millerson a referí na tur e sakrifisio i logronan ku nos deportista a logra poniendo Kòrsou riba mapa mundialmente.Na nòmber di Parlamento a entregá Sir Hensley Meulens un plaka di merito pa tur su labornan hasí.