Djárason dia 2 di sèptèmber 2020 Presidente di Parlamento sra. Ana Maria Pauletta a risibí e Kònsùl general di Merka stashoná na Kòrsou sr. Alan Greenberg i su asesor sr. Christian Olsen.

E bishita di Konsulado Merikano ta unu usual ku ta den kuadro di e echo ku sra. Ana Maria Pauletta a asumí e funshon di Presidente di Parlamento djárason 3 di yüni 2020. Parlamento di Kòrsou pa años a bin ta mantené un bon relashon di trabou ku e Konsulado General di Merka aki na Kòrsou. Kual regularmente Presidente di Parlamento ta risibí bishitanan di trabou di e kònsùl di turno pa asina nan informe di nan diferente tareanan i eventonan ku nan instansia ta desplegá na nòmber di gobièrnu Merikano na Kòrsou e eks islanan di Antia Ulandes i Karibe general.