Bishita di miembronan di Kontrolaria General di Kòrsou
Djabièrnè 21 di ougùstùs 2020 Presidente di Parlamento, sra. Ana Maria Pauletta a risibi na su despacho miembronan di Kontrolaria General di Kòrsou, kendenan ta sr. Eithel Vriend Bac. (Waarnemend Voorzitter), sr. Percival Virginia (Collegelid), sr. Halder Lam CPA (Collegelid) i sra. Shanela Cathalina RA MSc. (Secretaris)
Durante e kombersashon a para ketu riba entre otro e investigashonnan ku Kontrolaria General ta hasiendo pa Parlamento. Kontrolaria General ta un órgano independiente ku ta hasi investigashonnan di legalidat, efisiensia i integridat. Parlamento ta spera di risibí konklushon final di algun investigashon promé ku fin di e aña aki. Na e momentonan aki Kontrolaria General ta preparando un konsepto di lei ku lo amplia e outoridat ku nan tin pa hasi investigashon den entidatnan semi-públiko, inkluso empresanan den kual Gobièrnu tin sierto grado di partisipashon.
Parlamento ta sigui konta riba e trabounan investigativo di Kontrolaria General, den kuadro di e ròl ku Parlamento tin pa por kontrolá uso di fondonan públiko na nòmber di pueblo di Kòrsou.
