Bishita direktor Biblioteka Nashonal Kòrsou.

Awe djarason 21 di òktober 2020, Presidente di Parlamento, sra. Ana-Maria Pauletta a risibí na su despacho, sr. Arjen de Wolff ku resientemente a keda nombrá komo direktor di Biblioteka Nashonal Kòrsou.

For di 2016 tin un relashon formal di koperashon mutuo entre Biblioteka i Parlamento. Ta e intenshon pa profundisa e koperashon aki i ekstende e forma di informa públiko general riba e funshonamentu di e instituto Parlamento i demokrasia parlamentario. Entre otro lo hasi uso di medionan audio-visual pa trese informashon pa hobennan ku ta bishita Biblioteka. Tambe lo sigui ku e formato yamá Kombersatorio pa interkambia ku públiko riba temanan di aktualidat.