Di tres dia di reunion Interparlamentario di Reino, IPKO.

Djaweps 2 di mart 2023, miembronan di e delegashonnan a kuminsá e di tres dia di IPKO, ku deliberashonnan relashoná ku e tema pasado di esklabitut i kolonialismo i nan efektonan den komunidat.

Den kuadro di e tema aki, e delegashonnan a reuní den gruponan di trabou riba tópikonan relatá na e tema i despues a kontinuá ku bishitanan di trabou na entre otro e monumento di Tula i Kas di Pal'i Maishi, kaminda e miembronan di e delegashonnan a risibí informashon i splikashon, pero tambe por a eksperenshá sierto tradishonnan do e temporada di sklabitut. Tur esaki ku e meta pa krea mas konsientisashon i mas sintimentu ku ta biba huntu ku e tema sensitivo aki.