Djawebs 10 di dezèmber 2020

Awe, riba Dia Internashonal di Derecho Humano, Minister di Enseñansa, Siensia, Kultura i Deporte, sr. Steven Croes a hasi entrega di un libreto na Presidente di Parlamento, sra. Ana Maria Pauletta, den kual a tradusí e derechonan humano na Papiamentu.

Na e okashon aki representantenan di Plataforma Sklabitut i Herensia di Sklabitut i tambe Parlamento Hubenil tambe a hiba palabra.

Riba e kombinashon di foto por mira Minister Steven Croes hasiendo entrega di e libreta na Sra. Ana Maria Pauletta. Tambe por mira sr. Ferfino Brownbill di Parlamento Hubenil i sra. Jeanne Henriquez i sr. Marlon Regales di e plataforma menshoná.

Ta masha importante pa pueblo sa su derechonan. Den e kuadro ei Parlamento lo yuda distribui e kontenido di e libreto dor di publiká esaki riba su wèbsait.

Entrega libreto derechonan humano
Entrega libreto derechonan humano
Entrega libreto derechonan humano