Huramentashon di seis Miembro di Parlamento di Kòrsou pa e periodo 2025 pa 2029
Willemstad – Riba djaluna 9 di yüni 2025, seis Miembro di Parlamento a huramentá òf hasi nan promesa serka Gobernador di Kòrsou, Su Ekselensia Lucille George-Wout. E seremonia a tuma lugá na Palasio di Gobernador i di e manera aki a kumplí ku e último formalidat pa e miembronan aki tambe por kuminsá funshoná komo parlamentario durante e periodo nobo di 2025–2029.
E seremonia a kuminsá pa 11:00or di mainta, ku e siguiente miembronan di Parlamento ku a huramentá:
Sr. Tyron Boekhoudt
Sr. Benito Desroches
Sr. Frenciss Lourens
Sr. Shurendi Pieternella
Sr. Ishahier Monte
E siguiente Miembro di Parlamento a hasi su deklarashon i promesa:
Sr. Sandy Losiabaar.
Pronto un reunion públiko di Parlamento lo tuma lugá den kua sinku di e seis Miembronan resien huramentá lo duna nan ‘maiden speech’. E sinku Miembronan aki ta tuma asiento pa promé biaha den Parlamento. E ‘maiden speech’ ta e promé diskurso ofisial di un miembro di Parlamento kaminda e ta presentá su mes na Parlamento i pueblo, alabes por splika su vishon polítiko.