Dia 8 di febrüari 2021 ta 63 aña pasá ku e miembro di Konseho Insular dje tempu ei sr. Modesto “Chano” Margaretha (d.f.m) a lanta papia i dirigí su mes na Papiamentu na su koleganan den e sala di reunion. E echo históriko aki ku un miembro di Konseho Insular a hasi uso di su lenga materno durante un reunion di Konseho Insular a keda konmemorá dor di Presidente sra. Anna-Maria Pauletta i Miembronan di Parlamento den presensia di yunan di sr. Modesto "Chano" Margaretha. 

Riba e potrèt bo por tuma nota di robes pa drechi: Presidente di Parlamento sra. Ana-Maria Pauletta, sr Ephraim Cijntje (ku a hiba palabra na nòmber di e famia Margaretha), sra. Jeannette Cijntje Margaretha, sra. Madeline Ilaria Margaretha, sra. Enid Carolina Margaretha, sr. Wilfrido Carolina i e Grefir di Parlamento sr. Silvin Cijntje.