Proyekto di lei pa introdusí un Defensor di Mucha (kinderombudsman) aprobá

Awe, djaweps 19 novèmber 2020, durante un reunion públiko di Parlamento, miembronan di e órgano legislativo di Pais Kòrsou a aprobá e proyekto di lei pa introdusí un Defensor di Mucha (kinderombudsman) na Kòrsou. E proyekto di lei ku a keda aprobá ku un mayoria.

Ku e lei di Defensor di Mucha ta sigurá un órgano independiente ku lo sali na vanguardia di e derechonan di mucha. Kaminda tur mucha I hóben por aserká Defensor di Mucha pa asina trese dilanti e retonan ku nan ta konfrontá den e aparato (semi) públiko.

Tur esaki un dia promé ku Dia Internashonal di Derechi di Mucha.

Riba potrèt di robes pa drechi: Parlamentario sr. Yael Plet, Presidente di Parlamento sra. Ana Maria Pauletta i representante di Parlamento Hubenil sr. Fergino Brownhill. 

Proyekto di lei Kinderombudsman