Dia 6 yanüari i 7 yanüari 2021 lo tuma lugá e reunionnan Interparlamentario di Reino (IPKO) entre e Parlamentonan di Hulanda, Kòrsou, Sint Maarten i Aruba. 

E reunion digital a kuminsá awe 9:00 di mainta ku un seshon plenario, presidí pa e Presidente di Parlamento di Aruba, sr. J.E. Thijsen. Despues di apertura lo tin presentashon di e último desaroyonan di kada pais i despues lo interkambiá informashon den diferente subsesion tokante e lucha kontra e pandemia di COVID den e diferente paisnan di Reino.

Mayan 7 yanüari, den diferente subsesion, lo papia tokante e perspektiva riba término kortiko: e reanudashon di e bida sosial y socioeconomico den kuadro di e órgano Karibeño establesí pa reforma y desaroyo. Despues, e subsesionnan lo konsentrá mas riba término largo: e restrukturashon/diversifikashon di e ekonomianan y e merkadonan laboral pa reforma resistensia di e ekonomia i garantisá reforma atministrativo, sostenibilidad di finansa públiko y un merkado laboral fuerte.

E reunionnan interparlamentario ta terminá mayan 7 yanüari pa 11:00 di mainta ku un seshon plenario tokante resultado di subsesionnan y posibel konklushon.

Meskos ku e último IPKO digital, e apertura di e seshon plenario y e sesion plenario na final lo wòrdu transmití direktamente riba e website di Tweede Kamer.

E transmishon en bibu por wòrdu sigui e dos momentonan menshoná riba e siguiente link:

https://www.tweedekamer.nl/vergade.../livedebat/tilanuskamer(external link)