Djaweps 2 di mart 2023, miembronan di e delegashonnan a kuminsá e di tres dia di IPKO, ku deliberashonnan relashoná ku e tema pasado di esklabitut i kolonialismo i nan efektonan den komunidat.
Djamars 28 di febrüari 2023, Presidente di Parlamento di Kòrsou i alabes hefe di e delegashon di Kòrsou, sra. Charetti America-Francisca, a hasi apertura ofisial di IPKO na Dreams Resort, Spa & Casino.
E di dos djamars di luna di sèptèmber, ku tradishonalmente ta e dia ku Parlamento di Kòrsou ta inisiá su aña Legislativo Parlamentario nobo. E aña aki e preparashonnan pa e evento aki a kuminsá trempan i e diferente órganonan i instansianan di gobièrnu ku ta envolví a traha intensivo i diligente pa e seremonia militar, protokolar i e reunion solèm prosedé na un manera digno.
Djaluna 27 di yüni Ombudsman di Kòrsou, sr. mr. Keursly Concincion, a hasi entrega di su Relato di aña 2021 na Parlamento di Kòrsou. Presidente di Parlamento, sra. Charetti America-Francisca, a risibí e relato na nòmber di Parlamento.
Djaluna dia 13 di yüni 2022 Presidente di Parlamento, sra. Charetti America-Francisca, a risibí e Kònsùl General di Merka señora Margaret Bond ku na yanüari último a bin traha na Kòrsou komo e Kònsùl General nobo di Merka, na su despacho na Parlamento.
Djarason 25 di mei Gobernador di Aruba, Juan Alfonso Boekhoudt, a hasi un bishita di kortesía serka Presidente di Parlamento di Kòrsou, sra. Charetti America-Fransisca. Nan a hiba un kombersashon ameno i a enterkambiá temanan di interes pa e pueblonan di tantu Aruba i Kòrsou.
Djaluna 23 di mei, Presidente di Parlamento di Kòrsou, sra. Charetti America-Francisca, a risibí na su despacho e Presidente di Parlamento di Sint Maarten, sra. Grisha Heyliger-Marten huntu ku grefir sr. Garrick Richardson.
Djamars dia 14 di sèptèmber 2021 tabata e di dos djamars di e di nuebe luna ku tradishonalmente ta e dia ku e Parlamentonan di Kòrsou, Aruba i Sint Maarten ta kuminsá nan aña Parlamentario nobo, den e kaso aki e aña legislativo 2021-2022.
